`ಮಾದಕವಸ್ತು ಮಾರಾಟಗಾರರ ವಿರುದ್ಧ ಕಠಿಣ ಕ್ರಮಕ್ಕೆ ಕಾಯ್ದೆಯ ಲೋಪ ಅಡ್ಡಿ’

ನಮ್ಮ ಪ್ರತಿನಿಧಿ ವರದಿ

ಮಂಗಳೂರು : ಮಾದಕವಸ್ತು ಮಾರಾಟಗಾರರು ಕಾಲೇಜು ಕ್ಯಾಂಪಸ್ಸುಗಳಲ್ಲಿ ಗಾಂಜಾ ಮಾರಾಟ ಮಾಡುತ್ತಿದ್ದಾರೆ. ಇವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲು ಗಾಂಜಾ ಮಾರಾಟ ನಿಷೇಧ ಕಾಯ್ದೆಯಲ್ಲಿರುವ ಕೆಲವು ಲೋಪದೋಷಗಳು ಅಡ್ಡಿಯಾಗಿದೆ ಎಂದು ಕರ್ನಾಟಕ ರಾಜ್ಯ ದೂರು ಸಮಿತಿ ಮಾಜಿ ಅಧ್ಯಕ್ಷರು ಎನ್ ಯೋಗಿಶ್ ಭಟ್ ಹೇಳಿದ್ದಾರೆ.

ರಾಜ್ಯ ಫೋರೆನ್ಸಿಕ್ ವಿಜ್ಞಾನ ಪ್ರಯೋಗಾಲಯ (ಎಪ್ಫೆಸ್ಸೆಲ್) 250 ಗ್ರಾಂ.ಗಿಂತ ಕಡಿಮೆ ಮಾದರಿಗಳನ್ನು ತಿರಸ್ಕರಿಸುತ್ತದೆ. “ಅನೇಕ ಪ್ರಕರಣಗಳಲ್ಲಿ ಎಪ್ಫೆಸ್ಸೆಲ್ ಮಾದರಿ ಸಾಕಾಗುವುದಿಲ್ಲ” ಎಂದು ಘೋಷಿಸಿ ಕೋರ್ಟುಗಳಿಗೆ ವರದಿ ಸಲ್ಲಿಸಿದೆ.

ಈ ಲೋಪದೋಷಗಳು ಮಾದಕವಸ್ತು ಮಾರಾಟ ತಡೆ ಏಜೆನ್ಸಿಗಳಿಗೆ ಎನ್ಡಿಪಿಎಸ್ ಕಾಯ್ದೆ ಅಡಿಯಲ್ಲಿ ಕಠಿಣ ಕ್ರಮ ಕೈಗೊಳ್ಳಲು ಅಡ್ಡಿಯಾಗಿವೆ. ಸುಮಾರು ವರ್ಷಗಳ ಹಿಂದೆಯೇ ಕರ್ನಾಟಕ ರಾಜ್ಯ ದೂರು ಸಮಿತಿಗೆ ಈ ದೋಷಗಳು ಗಮನಕ್ಕೆ ಬಂದಿದ್ದು, 2012ರಲ್ಲಿ ಸಮಿತಿಯು ಎನ್ಡಿಪಿಎಸ್ ತಿದ್ದುಪಡಿ ತರಬೇಕೆಂದು ಸರ್ಕಾರಕ್ಕೆ ಶಿಫಾರಸು ಮಾಡಿತ್ತು. 10 ಗ್ರಾಂ ಸ್ಯಾಚೆಟ್ ಮಾರಾಟಕ್ಕೂ ಪೊಲೀಸ್ ಬಂಧನಕ್ಕೆ ಎನ್ಡಿಪಿಎಸ್ ತಿದ್ದುಪಡಿ ಮಾಡಬೇಕು ಎಂದು ಸಮಿತಿ ಸೂಚಿಸಿತ್ತು. ಆದರೆ ಸಮಿತಿಯ ಮಾಜಿ ಅಧ್ಯಕ್ಷರು ಮತ್ತು ಡೆಪ್ಯುಟಿ ಸ್ಪೀಕರ್ ಎನ್ ಯೋಗಿಶ್ ಭಟ್ ಸಲ್ಲಿಸಿದ 18ಕ್ಕೂ ಹೆಚ್ಚಿನ ಶಿಫಾರಸ್ಸುಗಳು ಧೂಳು ಹಿಡಿದವು.

ಸಮಿತಿಯ ದೂರುಗಳು 2011ರಲ್ಲಿ ಎನ್ಡಿಪಿಎಸ್ ಅಡಿಯಲ್ಲಿ 258 ಪ್ರಕರಣಗಳು ದಾಖಲಾಗಿವೆ. 2201.6 ಕೇಜಿ ಗಾಂಜಾ ವಶಪಡಿಸಲಾಗಿದೆ. 11,683 ಕೇಜಿ ಗಾಂಜಾ ಗಿಡಗಳನ್ನು ನಾಶಪಡಿಸಲಾಗಿದೆ. 2010ರಲ್ಲಿ ಎನ್ಡಿಪಿಎಸ್ ಅಡಿಯಲ್ಲಿ 287 ಕೇಸುಗಳು ದಾಖಲಾಗಿವೆ. 2,034 ಕೇಜಿ ಗಾಂಜಾ ವಶಪಡಿಸಿಕೊಳ್ಳಲಾಗಿದೆ. 1342 ಗಾಂಜಾ ಗಿಡಗಳನ್ನು ನಾಶಪಡಿಸಲಾಗಿದೆ.