ಮೀನುಗಾರಿಕೆ ಆರಂಭವಾಗಿ 10 ದಿನದ ಬಳಿಕ ಮೊದಲ ಫ್ಲೋಟಿಲ್ಲಾ ಆಗಮನ

ನಮ್ಮ ಪ್ರತಿನಿಧಿ ವರದಿ

ಮಂಗಳೂರು : 2017ರ ಯಾಂತ್ರೀಕೃತ ಮೀನುಗಾರಿಕೆಯ ಹೊಸ ಋತು ಆರಂಭವಾಗಿ 10 ದಿನಗಳ ಬಳಿಕ ಮೀನು ಮಾರಾಟಗಾರರು ಮತ್ತು ಗ್ರಾಹಕರ ಮುಖದಲ್ಲಿ ನಗುವಿನ ಅಲೆ ಮೂಡಿದೆ. ಹೌದು, ಮೊದಲ ಫ್ಲೋಟಿಲ್ಲಾ ಮಂಗಳೂರು ಬಂದರಿಗೆ ಆಗಮಿಸಿದೆ. ಈ ಹಡಗು ಹತ್ತು ದಿನಗಳವರೆಗೆ ಸಮುದ್ರದ ಮಳೆಗಾಲದ ಅಲೆಗಳನ್ನು ತಡೆದು ನಿಲ್ಲುತ್ತದೆ. ಈ ಫ್ಲೋಟಿಲ್ಲಾ ಮೀನುಗಾರ ಸಮೂಹದಿಂದ ಮತ್ತು ಮೀನು ಗ್ರಾಹಕರಿಂದ ಭವ್ಯ ಸ್ವಾಗತವನ್ನೇ ಪಡೆಯಿತು.

ಮೀನುಗಾರಿಕೆಗೆ 61 ದಿನಗಳ ನಿಷೇಧದ ಬಳಿಕ 2017-18ರ ಹೊಸ ಮೀನುಗಾರಿಕಾ ಋತು ಆಗಸ್ಟ್ 1ರಿಂದ ಆರಂಭವಾಗಿದೆ. 2400 ಯಾಂತ್ರೀಕೃತ ಮೀನುಗಾರಿಕಾ ಬೋಟುಗಳು ಮೀನುಗಾರಿಕೆಗೆ ಆರಂಭಿಸಿದವು.

“ಮೊದಲ ಮೀನಿನ ಬೇಟೆ ಚೆನ್ನಾಗಿಯೇ ನಡೆಯಿತು, ಹಿಡಿಯುವಿಕೆ ಉತ್ತಮವಾಗಿತ್ತು, ಇದರರ್ಥ ವೆಚ್ಚಕ್ಕಿಂತ ಲಾಭ ಹೆಚ್ಚಾಗಿದೆ ಎಂದಲ್ಲ. ವೈವಿದ್ಯತೆ ಮೀನುಗಳ ಹಿಡಿಯುವಿಕೆ ಇನ್ನೂ ಕಡಿಮೆ ಇದೆ. ಹಾಗಾಗಿ ಇನ್ನಷ್ಟು ಹೆಚ್ಚು ವೈವಿಧ್ಯಮಯ ಮೀನು ಹಿಡಿಯುವ ನಿರೀಕ್ಷೆಯಲ್ಲಿ ನಾವು ಇದ್ದೇವೆ” ಎಂದು ಮೀನುಗಾರ ಸಂತೋಷ್ ಮೆಂಡನ್ ಹೇಳಿದ್ದಾರೆ.

ವಿಶೇಷ ಮೀನುಗಾರಿಕೆ ಅವಧಿಯಲ್ಲಿ ಕರ್ನಾಟಕ ಕರಾವಳಿಯ ದಕ್ಷಿಣ ಕನ್ನಡ, ಉಡುಪಿ ಮತ್ತು ಉತ್ತರ ಕನ್ನಡ ಮೂರು ಜಿಲ್ಲೆಗಳ ಮೀನುಗಾರರು 4.5 ಟನ್ನು ಮೀನು ಸಾಗಾಟ ಮಾಡುತ್ತಿದ್ದಾರೆ. ಆದರೆ ಪ್ರತಿ ವರ್ಷ 10ರಿಂದ 12 ಪರ್ಸೆಂಟ್ ಮೀನುಗಾರಿಕೆ ಓಲಾಡುತ್ತಿದೆ. ಕಳೆದ ವರ್ಷ ಮೀನುಗಾರಿಕೆಯಲ್ಲಿ ಈ ಓಲಾಟ ಸಂಭವಿಸಿದೆ. ಈ ಓಲಾಟಕ್ಕೆ ಪರಿಸರ ಅಂಶಗಳು ಸೇರಿದಂತೆ ಹಲವಾರು ಅಂಶಗಳು ಕಾರಣ. ಆದರೆ ಪ್ರಸಕ್ತ ಮೀನುಗಾರಿಕಾ ಋತುವಿನಲ್ಲಿ ಪರಿಸರ, ವ್ಯವಸ್ಥಾಪನಗಳು, ಮಾನವ ಸಂಪನ್ಮೂಲಗಳು ಮತ್ತು ಯಂತ್ರಗಳು ಸೇರಿದಂತೆ ಎಲ್ಲಾ ಪರಿಮಾಣಗಳನ್ನು ಸರಿಯಾದ ಸಮಯದಲ್ಲಿ ಸರಿಯಾದ ಸ್ಥಳದಲ್ಲಿ ಇರಿಸಲಾಗಿದೆ. ಹಾಗಾಗಿ ನಿರೀಕ್ಷೆಗಳು ಕೂಡ ಹೆಚ್ಚಿವೆ.