ಬಯೋಮೆಟ್ರಿಕ್ ಉಪಕರಣ ನಮ್ಮ ಕೈಗೆಟಕುತ್ತಿಲ್ಲ

ಕೇಶವಮೂರ್ತಿ

ನಮ್ಮ ಪ್ರತಿನಿಧಿ ವರದಿ

ಮಂಗಳೂರು : ರಾಜ್ಯ ಸರ್ಕಾರಿ ಪಡಿತರ ವಿತರಣೆ ಮತ್ತು ಉದ್ಯೋಗಿಗಳ ಸಂಘವು, ಒಂದು ವೇಳೆ ಸರಕಾರವು ಪಡಿತರ ವಿತರಣೆ ಅಂಗಡಿಗಳಲ್ಲಿ ಬಯೋಮೆಟ್ರಿಕ್ ಉಪಕರಣ ಅಳವಡಿಕೆಗೆ ಒತ್ತಾಯಿಸಿದರೆ ಈ ಜವಾಬ್ದಾರಿಗಳಿಗೆ ಶರಣಾಗುವಂತೆ ಘೋಷಿಸಿದೆ.

ಇದಕ್ಕೆ ಪ್ರತಿಕ್ರಿಯಿಸಿದ ಸಂಘದ ಅಧ್ಯಕ್ಷ ಕೇಶವಮೂರ್ತಿ ಮಂಗಳವಾರ ಪತ್ರಕರ್ತರೊಂದಿಗೆ ಮಾತನಾಡಿ, “ಸರ್ಕಾರ ಬಯೋಮೆಟ್ರಿಕ್ ಉಪಕರಣ ಅಳವಡಿಕೆಗೆ ನಿರ್ದೇಶಿಸಿದೆ. ಆದರೆ ಇದನ್ನು ಪಡಿತರ ವಿತರಕರು ಮಾತ್ರ ಖರೀದಿಸಬಹುದು. ಬಯೋಮೆಟ್ರಿಕ್ ಯಂತ್ರಕ್ಕೆ ದೊಡ್ಡ ಮೊತ್ತದ ಹಣ ವ್ಯಯಿಸಬೇಕಾಗಿದೆ. ಅದನ್ನು ಭರಿಸುವ ಸಾಮಥ್ರ್ಯ ನಮ್ಮಲ್ಲಿಲ್ಲ. ಒಂದು ವೇಳೆ ಸರಕಾರ ಯಂತ್ರವನ್ನು ಖರೀದಿಸಿಕೊಡುವುದಾದರೆ ಅಳವಡಿಸಿಕೊಳ್ಳುವುದಕ್ಕೆ ನಮ್ಮಿಂದ ಅಭ್ಯಂತರವೇನೂ ಇಲ್ಲ. ಸರಕಾರವೇ ಯಂತ್ರಗಳನ್ನು ಇಡುವುದಾದರೆ ನಮ್ಮ ವಿರೋಧವಿಲ್ಲ. ಪಡಿತರ ವಿತರಣೆಗೆ ನಾವು ಶರಣಾಗಿದ್ದೇವೆ” ಎಂದು ಅವರು ಹೇಳಿದ್ದಾರೆ.

ಪಡಿತರ ವಿತರಣೆಗೆ ಸಂಬಂಧಿಸಿ ಸರ್ಕಾರದಿಂದ ಎದುರಾಗುವ ಸಮಸ್ಯೆಗಳನ್ನು ಅವರು ಈ ಸಂದರ್ಭದಲ್ಲಿ ವಿವರಿಸಿದ್ದಾರೆ. “ಸರ್ಕಾರ ಪಡಿತರ ವಸ್ತುಗಳನ್ನು ಬಹಳ ತಡವಾಗಿ ಬಿಡುಗಡೆ ಮಾಡುತ್ತದೆ ಮತ್ತು ಫಲಾನುಭವಿಗಳು ಪಡಿತರ ಖರೀದಿಗೆ ಅಂತಿಮ ಗಡುವು ನಿಗದಿ ಮಾಡುತ್ತದೆ. ಒಂದು ವೇಳೆ ಗಡುವಿನೊಳಗೆ ಪಡಿತರ ಖರೀದಿಗೆ ಅಸಮರ್ಥರಾದ ಪಡಿತರ ಚೀಟಿಯನ್ನು ಅಮಾನತಿನಲ್ಲಿಡುವುದಾಗಿ ಎಚ್ಚರಿಸಿದೆ. ಜನರು 5 ದಿನಗಳಲ್ಲಿ ಪಡಿತರ ಖರೀದಿ ಮಾಡಬೇಕು. ಇದು ಸಂಪೂರ್ಣ ತಪ್ಪು. ಸರ್ಕಾರ ಅಂತಿಮ ಗಡುವನ್ನು ಕೈಬಿಡಬೇಕು. ಪಡಿತರ ವಸ್ತುಗಳು ತಿಂಗಳಾಂತ್ಯದವರೆಗೆ ಪಡಿತರ ಅಂಗಡಿಯಲ್ಲಿ ಲಭ್ಯವಿರಬೇಕು” ಎಂದು ಮೂರ್ತಿ ಹೇಳಿದ್ದಾರೆ.